Mae Gwasanaeth Anabledd Dysgu Cyngor Gwynedd a’r Tîm Llwybrau Llesiant yn teimlo’n gryf am gefnogi gofalwyr yn ogystal â unigolion sydd yn byw yng Ngwynedd.
Pwrpas y dudalen hon yw rhannu unrhyw wybodaeth rydym yn teimlo gallai fod o fudd i ofalwyr. Rydym yn adolygu'r dudalen yn rheolaidd, felly os hoffwch chi weld unrhyw wybodaeth benodol yn cael ei gynnwys plîs cysylltwch drwy'r dudalen 'cysylltwch â ni'.
Ein cyfrifoldeb
Mae gan wasanaethau cymdeithasol ddyletswydd i asesu anghenion gofalwyr am gymorth pan yn addas yn ôl y Ddeddf Gwasanaethau Cymdeithasol a Llesiant (Cymru) 2014. Os hoffwch chi gael asesiad am gefnogaeth ymarferol neu emosiynol, cysylltwch a ni drwy’r dudalen ‘cysylltwch â ni’.
Yn ogystal, os ydych yn teimlo'ch bod yn ofalwr, gallwch ofyn am asesiad gofalwr, os nad ydym wedi cynnig un i chi yn barod. Dyma gyfle i chi drafod eich cyfrifoldebau gofalu â ni, fel y gallwn ni weld sut y gallech fanteisio ar gymorth neu wasanaeth ychwanegol.
Cewch chi benderfynu a ydych am gael eich asesu ar y cyd â'r person rydych yn gofalu amdano ynteu ar wahân.
Am fwy o wybodaeth ynglyn a hyn ewch i dudalen 'gofalwyr' ar wefan Cyngor Gwynedd drwy glicio ar y linc yma - Tudalen Gofalwyr Gwefan Cyngor Gwynedd. Hefyd, cewch wybodaeth am amryw o sefydliadau sydd yn cefnogi gofalwyr yn y ddogfen ddwyieithog sydd wedi'i atodi ar waelod y sgrîn.
Llinell Gymorth PBS
Mae bywyd o dan gyfyngiadau Cofid-19 yn gallu bod yn ynysig ac yn unig. Mae’n helpu i siarad gyda rhywun sydd yn deall ein sefyllfa, a mae’n debygol mai teulu a ffrindiau fydd ein dewis cyntaf yn aml. Ond weithiau mae’n helpu cael siarad efo rhywun sydd yn diduedd, a gyda arbenigedd a phrofiad gyda sefyllfaoedd tebyg.
Gyda cefnogaeth gan yr Adran Iechyd a Gofal Cymdeithasol, mae BILD (British Institute of Learning Disabilities) wedi datblygu llinell gymorth Positive Behaviour Support (PBS). Pwrpas y llinell gymorth yw rhoi cefnogaeth i deuluoedd, gofalwyr a staff gofal yn ystod cyfnod y Coronafeirws.
Mae modd i gefnogwyr, gofalwyr a teuluoedd gysylltu gyda’r llinell gymorth i drafod eu sefyllfa, i drafod sut mae pethau’n mynd, i gael sicrwydd eu bod yn gwneud y pethau iawn, neu i drafod syniadau neu holi am gyngor mwy ymarferol.
I glywed mwy am y llinell gymorth PBS, ac i ddarganfod sut gallwch chi gysylltu â nhw, ewch i'w gwefan drwy glicio ar y linc yma - Gwefan Llinell Gymorth PBS.
Beth yw ‘Positive Behaviour Support’?
Nod PBS yw i wella safon bywyd unigolion a’r pobl o’i hamgylch. Mae PBS yn ddull o weithio sydd yn briodol yn enwedig pan mae rhywun yn ‘distressed’ neu yn ymddwyn mewn ffordd sydd yn heriol neu yn codi pryder.
Dyma fideo Saesneg gan y BILD yn rhoi cyflwyniad i PBS:
Grŵp Trawsffurfio Gwasanaeth Anabledd Dysgu Gwynedd
Mae’r Grŵp Trawsffurfio Anabledd Dysgu yn awyddus i gael aelodau lleyg i fod yn rhan o’r Grŵp. Noder mai rôl gwirfoddol ydyw.
Pwrpas y Grŵp Trawsffurfio Anabledd Dysgu yng Ngwynedd ydi:
• Sicrhau fod darparwyr / budd-ddeiliaid ac unigolion yn cydweithio a chyd-gynhyrchu’r gwaith o ddatblygu a chomisiynu gwasanaethau ar gyfer oedolion efo anabledd dysgu yng Ngwynedd.
• Rhannu gwybodaeth
• Penderfynu beth ydi blaenoriaethau’r maes anabledd dysgu am y flwyddyn.
• Gweithio ar y cyd i ddatblygu Asesiad Anghenion.
• Cefnogi a chyfrannu at yr agenda rhanbarthol a llawer mwy.
Fel rhan o ymrwymiad y Gwasanaeth Anabledd Dysgu i gynnwys cymunedau mewn hybu llesiant ein dinasyddion, hoffwn gael Aelodau Lleyg gwirfoddol i fod yn rhan o’r Grŵp yma. Bydd y rôl yn cynnwys dod a phersbectif mwy sylfaenol i waith y Grŵp; i feddwl fel aelod o’r cyhoedd; ac i chwarae rhan yn natblygiad ein gwaith fel Grŵp Trawsffurfio.
Os hoffwch glywed mwy am y rôl hon neu am y Grŵp Trawsffurfio, cliciwch ar y ddolen 'Grŵp Trawsffurfio Aelodaeth Allanol' ar waelod y dudalen hon, neu cysylltwch gyda ni dros e-bost ar llwybraullesiant@gwynedd.llyw.cymru.
Wythnos Gofalwyr Genedlaethol
Beth yw'r Wythnos Gofalwyr Genedlaethol?
Ymgyrch blynyddol yw'r Wythnos Gofalwyr i godi ymwybyddiaeth am fywyd fel gofalwr, y sialensau a'r heriau sy'n wynebu gofalwyr di-dal ac i gydnabod y cyfraniad mae gofalwyr yn gwneud i'w teuluoedd ac i gymunedau ar draws y DU. Mae'r ymgyrch hefyd yn helpu y rhai hynny sydd ddim yn gweld eu hunain fel pobl gyda cyfrifoldebau gofalu adnabod eu hunain fel gofalwyr, ac o ganlyniad cael mynediad i gefnogaeth emosiynol neu ariannol.
Pryd mae'r Wythnos Gofalwyr Genedlaethol?
7-13 o Fehefin.
Beth sydd yn digwydd yn ystod yr wythnos?
Mae yna ystod eang o ddigwyddiadau a sesiynau yn mynd ymlaen yn ystod yr wythnos. Mae'r holl sesiynau ar gael yn rhad ac am ddim. Os hoffwch fwy o wybodaeth neu i chwilio am beth sydd ar gael yn eich ardal chi ewch i'w gwefan drwy glicio ar y linc yma - Gwefan Carers Week.
Diwrnod Lles Gofalwyr - 29/06/2021
Mae Gofalwyr Cymru yn falch iawn ac yn gyffrous i gyhoeddi ein diwrnod lles rhithwir arbennig ar-lein.
Hoffem wahodd gofalwyr di-dal i ymuno a ni i ddathlu'r gweithgareddau ymwybodol yr ydym wedi'u cael ar ein sesiynau Me Time a rhannu'r profiad hwnnw gyda gofalwyr eraill yn yr un sefyllfa.
Rydym yn cynnal diwrnod llawn o weithgareddau i gefnogi ymwybyddiaeth ofaglar a lles gofalwyr di-dal ar 29ain o Fehefin 2021. Mae pob sesiwn yn unigol a gallwch ymuno a chynifer neu gyn lleied ag yn dymunwch. Nid oes raid i chi ymrwymo i'r diwrnod cyfan.
Fydd y diwrnod wedi'i strwythuro fel hyn:
• 10.00 - 11.20 - Dawns I Pawb
• 11.30 - 12.50 - Ioga Dru
• 14.30 - 15.50 - Salsa i ddechreuwyr
• 16.00 - 17.20 - Ioga Chwerthin i pawb
• 17.30 – 18.50 – Zwmba i ddechreuwyr
• 19.00 – 20.20 - Ioga Qi Gong sesiwn blasu
Am fwy o wybodaeth, neu i gofrestru ar gyfer y diwrnod lles gofalwyr cliciwch y linc canlynol - Tudalen Cofrestru Diwrnod Lles Gofalwyr.